[ آراء أولياء الأمور ]

وعليكم السلام ورحمة الله وبركاته يا فندم😊 بصراحة مبسوطين جداً وراضيين جداً جداً أنا وابني... هو بيفهم كويس جداً وبيكون متابع ومتفاعل جداً... أكثر حاجة بيحب يحضرها... شكراً جداً وياريت توصلي شكري وتقديري للبشمهندسة منة 😊🌹

وعليكم السلام ورحمه الله وبركاته الحمد لله والشكر مستفادين كتير ولله الحمد وايهم سعيد جدا بينتظر الدرس بشوق والاستاذ يوسف ما شاء الله عنه هادي وبيوصل المعلومه بشكل ممتاز وبشجع ايهم جزاكم الله خيرا💐

الحقيقة انتم منصة محترمة ومتفهمين وذوق..والانستراكتور ماشاء الله متميزة وبنتي حبت الكورس ومتفاعلة معاه ماشاء الله كويس جدا وده المطلوب🌷🙏

حقيقي باشمهندس عبدالرحمن من افضل الشخصيات اللي أتعاملت معاها عنده احترام لمهارات الطفل وبيساعد بكل الطرق لفهم البروجيكت وبيشجعهم وبيوصل المعلومه بكل بساطه

السلام عليكم ورحمة الله وبركاته جزاكم الله خيرا وجازى المهندسين خيرا كثيرا على المحتوى والتنظيم و التسجيل والمتابعة والانتظام في الارسال للسيشنات المسجلة او الواجبات ومتابعة الأولاد والصبر عليهم التأكيد من ان المعلومات وصلت وتفهمهم و الاستجابة لاستفسارتهم حقيقى سعيدة بتوفيق ربنا ليا بأشتراك ابنى معاكم

السلام عليكم شكرا جدا لمجهود حضرتك مع الاولاد بشمهندس يوسف 🙏🏼🙏🏼 بجد عيسى بيحب حضرتك جدا واستفاد من حضرتك جدا جدا نتمنى نقابل حضرتك في كورسات تانية ان شاء الله

وعليكم السلام ورحمة الله وبركاته الحمد لله احنا مع مهندسة حسناء اسلوبها جميل جدا و محفز للولاد ربنا يباركلها و يزيدها من فضله بالنسبة للمسار التعليمي هو مناسب جدا لسن الاولاد و ابني مستمتع انا كنت هوقفله علشان الدراسة بس هو مصمم انه يكمل اكيد طبعا في استفادة ونصحت كذا حد من اصحابي انه يجرب ان شاء الله بالتوفيق دايما

الحمدلله ابني كثير استفتد من دروس البرمجة وهو مبسوط جداً مع المهندسة اية جمال و يبقى طوال الاسبوع متحمس لموعد الدرس القادم لحتى يتعلم شي جديد اشكركم على جهودكم و معاملتكم اللطيفة و شكر لكل المهندسين و وبالاخص المهندسة أية جمال

شكرا لمتابعتكم وحرصكم الحمد لله بنتي بتكون متحمسة جدا لحضور السيشن مدة السيشن مش طويلة وبالتالي مش بتزهق في تفاعل بين المهندسة والأولاد ومش بيخرجوا مش السيشن إلا وهما فاهمين عجبني جدا ارسال تسجيل السيشن لانه بيكون مرجع ترجع له اي وقت في هورن ورك بسيط تطبيق علي اللي اتعلموه في السيشن وبالتالي هيثبت معاهم اكتر شكرا مهندسة دينا

وعليكم السلام ورحمة الله وبركاته الحمد لله بخير والله الكورس رائع وماشاء الله عليها المهندسه أسماء ممتازه وقمه في كل شئ شرح وأخلاق ومرونه في التعامل والتواصل مع الشباب لو في أي مشكله في الواجبات مابتقصر الله يرضي عنها وربنا يبارك فيها ويجزيها عنا خيرا وماشاء الله عليها قدوه علماً وديناً نحسبها كذلك والله حسيبها ولا أزكيها علي الله